LA UNION – Dua pay nga ili iti nalpasen ti panagbilang da ti botos ken nai-transmit metten dagiti election returns iti Comelec data.
Iti ili a Balaoan, La Union arigna layos iti panangabak ni incumbent mayor Aleli Concepcion a nakagun-od ti botos a 21, 347 kumpara iti 765 a nagun-od iti sumarsaruno kenkuana a ni Pedro Obaldo Jr.
Iti kina bise-mayor, nangabak ni Carlo Concepcion babaen iti 19,684 votes kumpara iti 2,467 votes a nagun-od ni Jokat Leddda.
Iti ili a Sudipen, nangabak ni Wendy Joy Buquing babaen ti 10,042 votes idinto a 1,177 a botos iti nagun-od iti kinalabanna a ni Raymund Monis. Nangabak met a bise-mayor ni Melvin Macusi a nakagun-od ti 8,206 votes kontra iti 2,410 votes ti kalaban na a ni Aristotle Sales.
