Balligi a naisayangkat ti Tubao Cluster Schools JournOlympics 2025 nga addaan tema a “Campus Journalism Change: Reporting with Integrity and Innovation”, a naangay idi Biyernes, Disiembre 5, 2025, idiay Tubao National High School, Tubao, La Union.
Tinawen a maisaysayangkat daitoy nga aktibidad iti intero a pagilian.
Pinasetan daitoy dagiti innem a pampubliko ken maysa a pribado a pagadalan: ti Tubao National High School, Anduyan National High School, Don Rufino Olate Memorial Nqtional High School, Halog West National High School, Sta. Teresa National High School, Leones National High School, ken San Alberto Magno Academy.
Karaman kadagiti aktibidad iti Mobile Journalism, Editorial Writing, Column Writing, Science Writing, Sports Writing, Feature Writing, Copyreading, Headline Writing, Photojournalism, Editorial Cartooning, News Writing, Radio Scriptwriting, ken Radio Broadcasting.
Segun kenni Isidro G. Arada, Jr., Teacher III of Anduyan NHS and Vice President of La Union School Paper Advisers Association in English (LUSPAA), daitoy nga aktibidad ket maysa kadagiti programa iti DepEd tapno mailungalong iti literasiya ken panagbalin a journo dagiti agtutubo.
Inwaragawag ni Arada kadagiti agtutubo a saan da mabuteng nga aramiden nu aniya iti maiparbeng para iti pagilian ken ti Journalismo ket saan laeng mabuy-buya iti TV wenno mang-mangeg iti radyo, no di ket makit-makita daitoy iti aramid tayo kas maysa a Pilipino.
