Impangato ti World Health Organization (WHO) iti “very high” ti peggad iti panagwaras ti Bundibugyo strain ti Ebola outbreak idiay Democratic Republic of Congo (DRC), segun kenni WHO Director-General Tedros Adhanom Ghebreyesus. “High” met ti risk iti rehiyon ken “low” iti sangalubongan a lebel.
Awan pay ti naaprobaran a bakuna wenno sigurado nga agas para iti Bundibugyo strain. Iti agdama, adda ti 82 a kumpirmado a kaso idiay Congo, pakairamanan ti pito a natay, bayat a nasurok 170 iti mapapati a natay ken agarup 750 dagiti maim-imbestigaran a suspected cases.
Idiay Uganda, dua a kaso manipud kadagiti biyahero a naggapu idiay Congo iti nakumpirma ken maysa kadakuada ti natay. Segun ti WHO, nakatulong ti nainget a contact tracing ken panangkansela kadagiti dadakkel a panagtitipon tapno malappedan ti panagwaras ti sakit.
Pinasingkedan met ti WHO a maysa nga American national idiay Congo iti naalisan ken naiyakar idiay Germany tapno maipaagas, bayat a sabali pay nga Amerikano a posible a na-expose iti naiturong idiay Czech Republic.
Adalen met ti WHO iti panagusar ti experimental antiviral drug a Obeldesivir kontra Ebola. Segun kadagiti health expert, posible a dua a bulanen nga agwarwaras iti outbreak sakbay ti opisial a deklarasion.###
