Dumanonen ti aganay ₱2M ti reward a naidiaya ti siasinoman a makaitudo ti impormasyon kadagiti riding-in-tandem suspects a pimmaltog ken nangpatay iti media personality a ni Erwin ‘Boy’ Segovia, alias Boy Pana, idi kalman ti bigat idiay Barangay Mangagoy, Bislig City, Surigao del Sur.
Sakbayna ket indiaya ni sigud a Cantilan Mayor Carla Lopez-Pichay iti ₱1M a reward a pinasarunuan met dagiti agkabsat a Surigao del Sur 2nd District Representative Alexander ‘Ayec’ Pimentel ken Governor Johnny Pimentel.
Iti agdama ket makikoordinaren ni Pichay kadagiti local ken national nga ahensya ti law enforcement units tapno masukimat dagiti adda iti likudan ti nakaam-ames a krimen a nainget na a kinondenar.
Segun iti sigud a Mayor, saan isuna nga agsardeng agingga mapagsungbat dagiti makin-aramid iti kaso.
