Indiaya ti Department of the Interior and Local Government (DILG) ti ₱50 milyon a pabuya para iti impormasyon a mangited-dalan iti pannakaarestar kenni Senador Ronald “Bato” dela Rosa, a sumangsango iti arrest warrant nga inruar ti International Criminal Court (ICC).
Inwaragawag daitoy ni DILG Secretary Jonvic Remulla ita a Biyernes, Oktubre 23.
Segun kenni Remulla, maibilbilang nga armado napeggad ni Dela Rosa bayat nga agtultuloy iti panagbirok kenkuana.
Kinuna ni Remulla, impaayen ti gobierno ti inkalintegan a konsiderasyon para iti senador, ngem maipagarop nga agtaltalinaed daitoy nga aglemlemmeng.
Innayon na pay a panawenen tapnu maipatungpal iti hustisya para kadagiti biktima.
Kabayatanna, inikkan met ti Philippine National Police (PNP) ti maysa a lawas iti senador tapnu sumuko kadagiti otoridad.
Agtaltalinaed a wanted ni Dela Rosa mainaig kadagiti alegasyon ti pammapatay maipapan ti kampanya kontra ilegal a droga ti administrasyon ni sigud a Presidente Rodrigo Duterte.
Idi Mayo 11, nairuar iti publiko ti ICC iti arrest warrant kontra iti senador kalpasan a maamwan ti korte dagiti basaran nga addaan ti pagsungbatan ni Dela Rosa iti extrajudicial killing.
Nupay kasta, dagiti alegasyon kontra kenkuana ket maipasidong latta iti proseso a pang-ukom, ken saan a kayat a satwen ti arrest warrant a napaneknekanen nga isuna ket naglabsing.
