Nagbenepisyar ti pakabuklan a 116 a residente manipud dua nga ili ti Segunda Distrito ti La Union manipud iti libre a Medical and Skin Consultation.
Indauloan ti Provincial Government of La Union ti programa a napauloan ti Kilatis-Kutis Activity babaen ti Provincial Health Office kadagiti munisipalidad ti Pugo ken Santo Tomas kas paset ti Mini-Leprosy Elimination Campaign. Kadaitoy a programa ket 42 nga indibidwal ti nailasin nga addaan iti skin diseases ken naipaayan ida ti maiyannatop a tulong.
Karaman pay iti programa ti Health Education sessions tapno mapapigsa iti adbokasiya ti Neglected Tropical Skin Diseases.
Naiyuswat daitoy nga inisyatiba babaen ti tulong dagiti miembro ti barangay ken Rural Health Units tapno makabukel ti suporta manipud kadagiti residente para iti pananglapped ti leprosy ken ital-o ti nasalun-at a kudil.
Courtesy: Provincial Government of La Union
