Indeklara ti Department of Trade and Industry La Union wenno DTI-LA UNION iti 60-day Price Freez kasaruno a maipasidong ti State of Calamity ti intero a probinsya idi aldaw ti Biernes, Hulyo 25, 2025.
Imbatad ti DTI La Union a ti nasao a price freeze kadagiti kangrunaan a magagatang ket otomatiko nga epektibo para iti 60 nga aldaw manipud iti petsa ti deklarasyon ti State of Calamity, malaksid nu ibabawi mismo ni Presidente Ferdinand Marcos Junior.
Mainaig iti daitoy ket naballaagan amin a pasdek-negosyo a tungpalen iti price freeze kasta met a maallukkoy dagiti konsyumers nga ireklamo dagiti abusado a negosyante a mangilaklako latta iti nangatngato ngem iti naituding a presyo.
Kabayatanna, mensahe met ni City of San Fernando Mayor Herminigildo “Dong” Gualberto a gundawayan daitoy nga oportunidad tapno episyente a gastosan dagiti kangrunaan a kasapulan ken idawdawat na met iti konsiderasyon kadagiti amin nga umili.
