Manamnama nga umabot iti 1.25 milyon a pasahero ti agdupodop idiay Ninoy Aquino International Airport (NAIA) para iti obserbasyon ti Undas manipud ita nga aldaw, Oktubre 27 agingga Nobyembre 4, segun iti New NAIA Infra Corp. (NNIC).
Posible nga inton Oktubre 30 iti kairutan nga aldaw iti airport ken namnamaen nga umabot iti 149,000 a biyahero ti dumalan iti terminal.
Tapno masiguro iti naannayas ken seguridad, maimuntar iti kanayunan a pulis kadagiti entrance ti terminal, parking areas, ken dadduma pay a lugar a pagluganan ken pagbabaan dagiti pasahero.
Maideploy iti kanayunan a traffic marshals ken maimuntar dagiti shuttle service iti baetan dagiti terminal tapno naurnos a maiproseso ti panagdopodop dagiti sumangpet ken pumanaw a biyahero.
Malaksid ti pannaki-koordinar kadagiti otoridad iti kalsada ken panagtutunos iti operasyon dagiti taxi, madutukan iti kanayunan a puwersa kadagiti checkpoint ken standby technical team para iti napaspas a panagresponde iti anyaman a pasilidad iti airport.
Kabayatanna, segun met iti Civil Aviation Authority of the Philippines (CAAP), nasapa da a sinaganaan dagiti airport a sakop da.
Segun kenni Bea Bernardo, CAAP public information officer, umdas ti bilang dagiti tao ken operational met amin a pasilidad manipud Luzon, Visayas ken Mindanao.
