LA UNION – Maysa iti natay ken maysa met ti kritikal iti kondisyon na, iti napasamak a hit-and-run idi Martes iti kawatiwatan ti diversion road idiay Barangay Bangcusay, San Fernando City, La Union.
Nabigbig iti natay a ni Jamel Casuga, 20-anyos, baro, construction worker, ken residente ti nasao a barangay.
Base iti palawag iti Bombo Radyo La Union iti ama ti biktima a ni Ranie Casuga, maysa a puraw a closed van a napaspas ti taray na iti nangdungpar nga immuna iti maysa a pampasahero a traysikel, simmaruno iti anak na a naka-motorsiklo bayat nga agawiden daytoy.
Naideklara a dead-on-arrival iti ospital ni Casuga idinto a ti driver iti traysikel ket maipagarop a kritikal ti kondisyon na iti maysa a pribado nga ospital ditoy syudad.
Dagus a naglibas iti respondent driver iti whitge closed van kalpasan ti aksidente.
Umap-apela met iti pamilya Casuga iti naglibas a driver a sumuko kadagiti otoridad tapno sangwen iti naaramid na a nagbasolan.
Kabayatanna, nakatuding nga iyuman ni Barangay Kapitan Sylvester Espinilla ti Bangcusay kadagiti maseknan nga opisyal ditoy syudad, nu mapalubosan iti kadawatan ti naulila a pamilya a malamayan daytoy iti 10 nga aldaw.
