LA UNION – Natay iti agkasinsin kalpasan a nagaburan dagitoy ti daga idi narsuod ti kalkalyen da a bubon, nga aguneg ti 20 a kadapan idiay Barangay Ili Sur, San Juan, La Union.
Nabigbig dagiti biktima nga isuda Henry Benavidez, 29-anyos, residente ti Brgy. Calumbaya, ken kasinsin na a ni Elvis Lorenzo, 30-anyos, residente ti Brgy. Nagrebcan, Bauang, La Union.
Napasamak ti insidente pasado alas 3:00 idi malem kalman, Hulyo 3.
Sakbay iti insidente, insardeng dagiti trabahador iti agkali gaputi panagtudo na.
Idi nagsardeng ti tudo, dagiti agkasinsin iti immuna a bimmaba iti makalkali a bubon.
Makuna a limmukneng iti daga gaputa nagtudo malaksid pay a pannaraten ti nasao a lugar gaputa asideg iti baybay, a makagapo iti pannakarsuod iti maar-aramid a bubon.
Immuna a na-retrieve ni Benavidez ken ginandat da nga i-revive iti ospital ngem natay met laeng.
Bayat a ni Lorenzo ket nasarakan laeng iti bagi na kalpasan ti nasurok siyam nga oras a panagkali ti dackel a backhoe.
Dagus nga inturong ti ambulansiya iti kaasetgan nga ospital tapno maipaayan ti umiso a pannakataming ngem natay met laeng.
