LUNA, La Union- Natay ti maysa a baro iti napasamak a pannakaaksidente ti naglugananna a motorsiklo idiay kawatiwatan national highway ti Barangay Napaset ili ti Luna, La Union.
Nabigbig ti pimmusay a ni Melencio Natura Jr., 33; kabayatan nga agnagan met iti Rommel Natura, 35, ti nagmaneho iti nasao a lugan, ken agpapada dagitoy a residente iti Barangay Sablut, ili ti Balaoan, La Union.
Iti impormasyon a nakalap ti Bombo Radyo manipud ti Luna Police, maipagarup a napukawan iti kontrol iti panagmaneho ni Rommel isu a napasamak ti aksidente.
Agpada a naiturong iti Balaoan District Hospital dagiti biktima ngem pimmusay ni Melencio gapu ti nakaro a sinagrapna a sugat iti bagi.
