LA UNION – Dead on the spot iti maysa a 30-anyos a baro kalpasan a na-aksidente iti kalsada a sakop ti Barangay Sagayad, San Fernando City, La Union agarop alas 2:40 ti parbangon.
Iti biktima ket managan Jason Apiado, baro, ken residente iti nasao a lugar.
Maibasar iti nakalap nga impormasyon ti Bombo Radyo La Union, nagdinnungpar iti motorsiklo a minaneho ti biktima ken iti maysa pay a motorsiklo a minaneho met ti managan Junie Almoguera, 40, addaan asawa, agnanaed iti isu met laeng a barangay.
Iti initial report dagiti otoridad, agsinnabat dagiti dua a behikulo idi nagdinnungpar dagitoy.
Agpada a nagsagaba ti pannakadun-dunor dagiti dua a driver ngem daksanggasat a naideklara a dead-on-the spot ni Apiado iti City Health and Wellness Center ditoy syudad.
Kabayatanna, ni Almoguera ket matam-taming iti agdama iti Ilocos and Regional Medical Center (ITRMC) ditoy syudad.
Agtultuloy iti imbestigasyon dagiti otoridad iti nasao nga insidente.
