LA UNION – Agtultuloy ti imbestigasyon ti pulisya maipapan ti napasamak a panagdungpar ti motorsiklo iti pick-up idiay Ili Norte, ili ti San Juan, La Union.
Nabigbig ti motorcylce rider ken natay a biktima a ni Edwin Dugdagan; kabayatan a nasugatan met ti backride daytoy a ni Michael Esparaguza, agpada a residente iti ili ti Sta. Maria, Ilocos Sur.
Base ti imbestigasyon ti San Juan Police Station, maipagarup a nadungpar ti motorsiklo ti agsikko a pick-up a manmanehuen ni Meyer Mula ti Pasig City.
Dagus a naiturong iti ospital dagiti agkalubbon ti motorsiklo ngem natay ni Dugdugan gapu ti nakaro a sugat iti sinagrapna manipud ti aksidente.
Saan met a nadangran ti nagmaneho ti nasao a pick-up.
