LA UNION – Agtultultuloy pay laeng a masapsapol ti bagi ti 15 anyos a barito kalpasan a malmes iti kabayabyan a paset ti Barangay Canaoay, syudad ti San Fernando.
Nabigbig ti biktima iti nagan a Charles Ace gapuz.
Iti pannakiuman ti Bombo Radyo iti ama ti biktima a ni Edgar, nagturongda iti baybay tapno agdidigos idi mapagtengda ti trahedya.
Kinuna na a kellaat laengen nga inguyod ti dakkel a dalluyon na.
Kabayatan na, saan met a mapukawan ti namnama ti ina a ni Berverly a sibibiag pay ti anak ngem inkaso man kuna na a natayen daytoy ket aklunenda lattan.
Iti sabali a bangir, agtaltalinaed met a mapukpukaw ti maysa pay a biktima ti pannakalmes idiay Barangay Paringao, Bauang, La Union no sadino ti biktima ket ni Ronnie Sobremonte, 21, residente met laeng ti nasao a lugar.
Maibasar iti imbestigasyon dagiti otoridad, inkagumaan ti biktima nga isalakan iti kakasinsina a da David Gil Perez, 22, maysa a seaman, ken Adelle Reanne Abril Biteng, 19, residente ti Suso Sta. Maria Ilocos Sur a naideklara a dead on arrival iti ospital.
