LA UNION – Agtultuloy ti imbestiagasyon iti pulisya ti napasamak a panagdinungpar iti traysikel ken multicab a nakatayan ti maysa a biktima, kabayatan a tallo met ti nasugatan idiay national highway ti Barangay Disso-or, ili ti Bauang, La Union.
Base iti imbestigasyon ti Bauang Police, kabayatan a daldalyasaten ti multicab a manmanehuen ni Glenn Gazer Madriaga ti Barangay Central West, Bauang ket nakadinnnungpar daytoy iti kasinnabat a traysikel a manmanehuen ni Alfredo Gagarin Jr. ti Cuyapo, Nueva Ecija.
Gapu iti daytoy, malaksid iti nasao a tricycle driver ket naglak-am met iti sugat ti bago dagiti pasahero nga isuda Jose Dasalla, Castillana Cabonse, ken Maricel Miranda nga agnanaed idiay Cayapo; karaman met a nasugatan ni Madriaga.
Naiturongda iti ospital ngem saan a nakalasat manipud iti patay ni Cabonse gapu ti sugat a nilak-am dagitoy iti bagi.
