LA UNION – Agtultuloy iti imbestigasyon ti pulisya maipapan ti napasamak a pannakaaksidente iti dua a lugan a nakatayan iti maysa a pahinente idiay Barangay Sta. Rita, ili ti Aringay, La Union.
Naammuan ti Bombo Radyo manipud iti Aringay Police, maipagarup a daldalyasaten ti truck a manmanihuen ni Joey Abuan, residente ti Naguilian, La Union a sarsarunnuen ti closed van manmanihuen ni Jude Cavinta, residente iti syudad ti San Fernando, La Union.
Maipagarup a ginandat a nag-over take iti closed van ngem saan a nabaelan daytoy isu a nadalapusna ti truck.
Gapu iti daytoy, natay ti maysa kadagiti uppat a pahinente ti closed van a ni Michael Calapit sakbay a nakadanon daytoy iti ospital.
Bin-ig laeng a garungyad ti linak-am dagiti nakalugan ti nasao a truck.
