LA UNION – Umabot iti 26 local officials, kaadwan ket opisyal ti barangay iti inreklamo dagiti 28 nga indibiduwal, gapwanan iti makunkuna nga anomalya iti distribusyon ti Social Amelioration Program (SAP) iti intero a rehion uno.
Iti pannakiuman ti Bombo Radyo kenni PCol. Richard Verceles, Asst. Regional Chief ti Criminal Investigation and Detection Group (CIDG)-Region 1, sangapulo a kaso iti nalpas dan nga imbestigaran ken walo metten ti naidatag iti piskalya, partikular iti kaso a panaglabsing iti R.A 3019 wenno Anti-Graft and Corrupt Practices Act.
Kaadwan a naireklamo ket barangay officials ken maysa a konsehal ti ili.
Pakairaman ditoy iti tallo idiay Ilocos Sur, innem idiay Pangasinan, ken maysa ditoy La Union.
Nupay kasta, iti maysa a kaso ditoy probinsiya ket dagus a naipaima iti biang ti DILG para iti administrative action ken maysa kadagiti complainant iti nagback-out.
Nagramot ti reklamo dagiti 28 a complainant gaputa kurang iti naited kadakuada a cash aid nga imbes a P5,500 ket P3,500 kalpasan nga impasubli dagiti brgy. officials.
