LA UNION – Mapatta-patta a 10 agingga 13 a bagyo ti namnamaen a sumrek iti Pilipinas manipud Mayo agingga Oktubre ita a tawen, segun iti Department of Science and Technology.
Segun kenni state weather bureau senior weather specialist Rusy Abastillas, maysa wenno dua a tropical cyclones ti namnamaen a sumrek inton Mayo ken Hunyo bayat a 2 agingga 3 iti posible a mabukel kada bulan manipud Hulyo agingga Oktubre.
Inton Hunyo, namnamaen a dumalan ti bagyo iti abagatan wenno tumengnga a Luzon ken ag-recurve nga agturong iti Amianan a Luzon.
Inton Hulyo, ad-adu ti namnamaen a panagtudo ken dumalan ti bagyo iti Luzon.
Inton Oktubre, iti bagyo ket gagangay nga apektaranna iti Luzon ken Visayas ken kaadwan ti ag-landfall.
Kabayatanna, 60% ti tiyansa a madevelop iti La Nina iti baetan ti Hunyo ken Agosto.
Ngem posible a bumaba ti tyansa ti panagtudo inton Hunyo ken Hulyo nangruna iti western part ti pagilian.
