Suspetsa ita ti Philippine Navy a nagtaud iti dakdakkel pay a barko iti nasurok 1.5 tolnelada a shabu a nasabat dagiti kameng da iti 50-60 nautical miles manipud iti kosta ti Zambales.
Mapatta-patta nga aggatad ti P10B ti shabu a naharang iti maysa a bassit nga fishing vessel, sakay ti maysa a gangganaet ken uppat a Pilipino.
Imbatad ni Northern Luzon Naval Command Commander Commodore Edward Ike De Sagon a saan da pay a madakamat ti talaga a nagtaudan dagiti ilegal a droga ngem patien da a panggep ti adda ti lukan daitoy nga itambak ti agingga 50 a sako ti shabu ti makin-Laud a paset a kosta ti Luzon.
Paset met ti panagharang ti Philippine fishing boat dagiti operasyon ken mandato ti Philippine Navy kas panagbalin a vigilante gapo kadagiti naglabas a kaso dagiti tumtumpaw a droga ti kabaybayan ti pagilian.
Mapagduaduaan pay ti nagbalin a garaw ti barko agsipud ta saan daitoy a makipulpulapol kadagiti dadduma a mangngalap. Inlawlawag ni De Sagon a nupay awan ti kadwa iti fishing boat ket saan latta a maikka ti posibilidad a saan a daitoy ti umuna a transaksyon dagiti adda ti likudan ti kaso.
Kabayatanna, agtultuloy latta ti imbestigasyon ti Philippine Navy kakadwa dagiti nagduduma nga ahensya ti goberno tapno madakamat dagiti mangidadaulo iti insidente.
