LA UNION – Mapukawan iti suplay ti kuriente dagiti walo nga ili iti probinsia La Union ken dua iiay Pangasinan, inton bigat, Hulyo 22, 2017.
Maibasar iti pakdaar manipud iti National Grid Corporation of the Philippines (NGCP), mangrugi ti power interruption alas-6:00 ti agsapa agingga alas-3:00 iti malem.
Karaman kadagiti apektado a lugar iti La Union ket dagiti consumers ti La Union Electric Cooperative, Inc. (LUELCO) idiay ili ti Agoo, Aringay, Bauang, Caba, Pugo, Rosario, Sto. Tomas ken Tubao.
Idiay met Pangasinan, mapukawan iti suplay ti elektrisidad ti ili ti San Fabian ken Sison.
Segun ken ni Lilibeth Gaydowen, regional communications officer ti NGCP, daytoy ket gapu pay laeng iti pannakasukat dagiti daan a poste ti kuriente, ken pannakaimuntar dagiti kanayunan a grounding wires.
