BR LA UNION – NEW ORLEANS, USA – Saan a bumaba iti 10 a tattao ti natay ken 35 dagiti nasugatan idi agsapa ti Miyerkules, a maysa a posible a terror attack iti French Quarter idiay New Orleans.
Iti suspek ket maysa a 42-anyos a taga-Texas, nabigbig iti nagan a Shamsud Din Jabbar.
Makunkuna nga ingagara ti suspek nga idungpar ti man-manehuenna a pickup truck kadagiti agraragsak iti party ti New Year event iti Bourbon Street.
Kabayatanna, natay iti suspek kalpasan a naki-pinnaltog kadagiti pulis.
Maipagarop nga addaan pay ti ISIS flag iti suspek ken potensyal a pagpabettak iti minaneho na a truck.
Iti agdama, agtultuloy iti imbestigasyon dagiti otoridad.
