LA UNION – Umabot ti 100 a tattao idiay Barangay Castro, Sudipen, La Union iti kauddian a nabenipisyaran iti Libreng Sakay, Serbisyong Abot Kamay, maysa a proyekto nga ipatpatungpal ti Bureau of Jail Management and Penology (BJMP) wenno BJMP Balaoan District Jail.
Segun kenni Senior Jail Inspector John Wayland Lapon, dagiti 100 nga indibiduwal ket buklen iti 30 nga adult ken 60 nga ubbing wenno estudyante. Malaksid iti libre a panangilugan, nangipaay pay dagiti BJMP personnels iti information dessimation kadagiti bumaranggay ken mobile library service kadagiti ubbing nga agad-adal idiay Castro Elementary School.
Immunan a naiganwat ti nasao a proyekto babaen met laeng kadagiti BJMP personnels iti dua a barangay idiay ili ti Santol, maysa idiay ili ti San Juan, maysa idiay ili ti Balaoan, maysa idiay ili ti Luna, ken maysa a barangay idiay Sudipen, La Union.
