LA UNION – Umabot iti 10,000 a deboto a dimmar-ay iti selebrasyon ti Kristo Rey idiay Tubao La Union ita nga aldaw.
Maibasar iti nakalap nga impormasyon ti Bombo Radyo awan ti nailista a nasugatan wenno anyaman a pasamak kabayatan ti panaglibot dagiti tattao iti 1.4 a kilometro a kaadayo ti kalsada.
Nupay kasta, addan iti natalged a kasasaad ti dua nga immuna a naipadamag a natalimudaw gapu iti kinabara ti panawen kalpasan a tinameng dagiti medical team ti nasao nga ili.
Malaksid kadagiti miembro ti Tubao PNP, adda met ti re-enforcement a naited dagiti dadduma pay a kapulisan a nangipaay ti seguridad iti nasao a selebrasyon.
