Nakalista ti Department of Health (DOH) ti 1,091 a bilang dagiti road crash incidents iti Department of Health (DOH) para iti pakabuklan nga obserbasion ti Holy Week iti napalabas a lawas.
Segun kenni DOH Spokesperson Albert Domingo, nailista ti datos manipud Marso 29 (Palm Sunday) aginggana Abril 2 (Maundy Thursday).
Nangatngato daytoy ti 150% no idilig iti nairekord a 437 road crash incidents idi napalabas a tawen 2025.
Iti laksid daytoy, saanna kayat a sawen nga umad-adu dagiti aksidente iti kalsada ngem posible nga umad-adu dagiti ospital a mangipapaay ti report.
Manipud iti sabali a panirigan, kinunana a napateg met dagiti naawat a kapanunotan ti publiko mainaig iti daytoy, nga isu amin ti rason tapno makita no ania pay ti rumbeng a liklikan tapno malapdan ti kastoy nga aksidente iti kalsada.
Kabayatanna, iti pakabuklan ti datos, agparang a dakdakkel ti nailista idiay Central Luzon nga addaan ti 196 idinto a sinaruno daytoy ti Davao Region nga addaan iti 161 ken Ilocos nga addaan ti 159.###
