LA UNION – Maysa nga 11-anyos nga ubing a babae iti ilagro a nakalasat kalpasan a ma-stranded ti tallo nga aldaw iti maysa a shipwreck iti kabaybayan a sakop ti Lampedusa islands idiay pagilian nga Italya.
Maibasar iti istorya ti balasitang, kadwa na ti pamilya na a naglugan iti maysa a barko, ket naggapo da idiay Sfax City pagilian a Tunisia.
Pakabuklan nga 45 a tattao iti mapapati a nakalugan ti nasao a barko.
Asideg dan idiay isla ti Lampedusa, idi masabat da ti maysa a napigsa a bagyo, a puon ti limnedan ti nagluganan da a barko .
Iti agdama, awan pay ti nairwar a sibubukel a detalye iti survivor kasaruno ti pannakai-salbar na manipud iti nabaliktad a barko.
Kabayatanna, maibasar met iti salaysay ti German-based charitable organization a Compass Collective, nalabasan da iti balasitang iti kabaybayan a sakop ti nasao nga isla, wenno parbangon idi Miyerkules, Disyembre 11.
Iti nasao nga organisasyon ket nakalugan da iti maysa a bangka agturong iti maysa a rescue operation idi makita da ti survivor.
Nakalugan ti balasitang iti maysa a improvised life ring a naaramid iti inner tube ti pilid.
Nakasuot daytoy ti napagsisilpo a life jacket.
Segun kadagiti rescuers, istorya ti balasitang a sumagmamano nga aldaw a saan a nangan ken imminom.
Nakitaan daytoy ti hypothermia, ngem agtaltalinaed a ‘responsive’ idi kasarita da daytoy.
Iti agdama, ti surivvor ket adda iti aywan ti Italian Red Cross ken agtultuloy nga agpapa-imbag manipud ti tallo nga aldaw a panagtapaw na iti kabaybayan.
