Adda ti nasurok 117 family food packs, danum ken non-food items ti nakasagana nga iwaras ti DSWD kadagiti naapektaran nga indibidwal ti bagyo ti Rehiyon uno.
Buklen ti 86,520 family food packs, 29,390 non-food items ken 1,451 6-liter bottled drinking waters ti nakadulin kadagiti regional ken satellite houses ti DSWD.
Malaksid ti dayta, nakasagana metten ti DSWD Field Office 1 a mangipaay iti kanayonan a tulong para kadagiti apektado a Local Government Units (LGUs) gapu iti Bagyo nga Egay.
Tunggal Family Food Packs ket naglaon iti innem a kilo a bagas, uppat a delata a corned beef, uppat a delata a tuna, dua a delata a sardinas, lima a pakete ti kape ken lima a pakete ti cereal, bayat a dagiti Non Food Items ket pakairamanan ti tent, sleeping kits, family kits, hygiene kits, kitchen kits, malong ken laminated sacks, segun ti DSWD.
Maibasar iti kaudian a report a naawat ti DSWD, addan ti 2,417 a pamilya a naapektaran ditoy Rehion Uno.
Dagitoy ket dagiti mangngalap a saan a napalubusan a mapan ti kabaybayan.
Mabalinda met iti agkiddaw iti augmentation iti DSWD no kurang ti reserba dagiti LGUs.
