Nanayunan manen dagiti lugar iti La Union nga naapektaran ti African Swine Fever (ASF).
Kaudian ditoy ket iti ili a Bangar a ma-ika 12 no sadino kabilang kadagiti lugar nga apektado ket ti Barangay Reyna Regente, Consuegra ken Maria Cristina East.
Naipaulog met ti temporary total lockdown kadagiti apektado a lugar iti 14 nga aldaw mangrugi ita September 16,2020.
Iti sabali a bangir, nanayunan met dagiti Barangay nga apektado ti ASF idiay ili ti Balaoan.
Maibasar iti statement manipud iti opisina ni Balaoan Mayor Aleli Concepcion, kabilang kadagitoy ket iti Barangay Calungbuyan; Patpata; Cabu-an; Tallipuo; Pantar Sur; ken Bet-ang.
Naipatungpal iti mandatory a pannakapapatay kadagiti baboy nga adda uneg ken ruar ti ground zero wenno 500 meter radius.
Kabayatan na, naipanamnama a natalged dagiti mailaklako a karne ti baboy iti palengke iti dua nga ili agsipudta dimmalan daytoy iti inspection.
Maipalagip, ma-ika 11 nga apektado ti ASF ti ili a Luna, La Union.
Kabilang kadagiti naka lockdown gapu ti ASF ket iti Barangay Oaqui 1, 2, 3, 4, Napaset ken Barangay Victoria.
Madama met ti inventory kadagiti natay a baboy idiay Barangay Victoria pakaibilangan iti (6) a takong; (19) burias; ken (9) a fattening.
