Nakaawat itan ti nasurok 300 a sentinel pigs ken libre a suplay iti feeds manipud iti Department of Agriculture ti 7 nga ili idiay 1st district iti probinsya ti la union nga immuna a naapektaran iti African Swine Fever.
Segun kenni Vida Cacal, DA Region 1 information officer, agarup 120 a hog farmers a naapektaran ti ASF manipud kadagiti 7 nga ili ti makinabang iti 360 a sentinel pigs.
Ti tunggal benepisaryo ket nakaawat ti P50,000 pesos a pakabuklan a balor ti naipaay kadakuada a sentinel pigs ken feeds. Karaman kadagiti ili a nakaawat ket pakaibilangan ti ili ti Bacnotan Balaoan, Bangar, Luna, San Fernando City, Santol ken Sudipen.
Sakbay a naipaay dagitoy a baboy kadagiti benepisaryo ket naisayangkat ti cleaning and disinfection iti kulungan dagitoy ken sinigurado ti DA nga ASF Free dagitoy.
Maobserbaran met iti 40 days period dagiti naipaay a sentinel pigs ken regular a maisayangkat ti testing tapno maipasigurado met laeng nga agtaltalinaed nga ASF free dagitoy.
Daytoy a ganwat ket paset pay laeng iti Babay Asf Program iti National Government no sadinno maysa kadagiti component iti daytoy a programa ket ti repopulation.
