LA UNION – Umabot iti 120 kilo a lames a nakalap babaen ti dinamita iti nakompiskar ti pulisya iti checkpoint idiay Barangay Ili Sur, ili ti San Juan, La Union.
Nabigbig iti nangibiyahen kadagiti lames a ni Frederick Rapisura, 38, residente ti Barangay Poro, ili ti Magsingal, Ilocos Sur.
Naammuan ti Bombo Radyo manipud iti San Juan Police Station, naduktalan dagiti lames nga inlugan ni Rapisura iti manmanehuenna nga elf van a natiliw babaen ti panagaraman iti dinamita babaen ti panangammiris iti municipal agriculturist.
Imbunong met iti pulisya dagiti nakompiskar a produkto kadagiti charitable institution, kabayatan a napagmulta met iti makinbagi kadagitoy gapu iti panaglabsing ti fishery code ti nasao nga ili.
