LA UNION – Pakabuklan a 13 a tattao dagiti nagsagaba ti pannakadun-dunor iti naduma-duma a paset ti bagi da, kalpasan iti karambola iti lima a behikulo a nagluganan dagitoy.
Napasamak ti aksidente iti kawatiwatan ti national highway partikular iti sakop ti Barangay San Benito Norte, Aringay, La Union agarop alas 6:20 ti agsapa idi Abril 21.
Dagiti behikulo a karaman iti aksidente ket pakaibilangan iti :
V#1 (nissan navara) a minaneho ni Jose Ma. Carlo de Guia, 31, addaan asawa, residente ti Paranaque City
V#2 (toyota hi-ace) a minaneho ni Victor Villanueva Jr. 41, addaan asawa, residente ti Barangay Nazareno, Agoo,La Union
V#3 (toyota innova) a minaneho ni Ronie Cabreles, 47, addaan asawa, ken residente ti Quinarayan, Narvacan, Ilocos Sur
V#4 (toyota adventure) a minaneho ni Johny Rae Soliman, 24, residente ti Sta Cruz, Makati City ken
V#5 (toyota fortuner) a minaneho ni Nito Tabuige, 42, addaan asawa, residente ti Urbiztondo, Binondo Manila.
Naamwan ti Bombo Radyo La Union kenni Pol. Major Daniel Banan, agdama a hepe ti pulisiya idiay Aringay, La Union a bayat ti panagdalyasat ti V#5 agturong iti amianan a direksiyon ngem idi makagteng iti nasao a lugar, nadungpar na iti V#1, a dimmungpar met iti V#2 ken V#3 nga agpa-abagatan, banag a nakairamanan pay ti V#4 nga agsikko iti kattigid a paset ti kalsada.
Amin a pasaheros ken drivers ket pada-pada a naiturong idiay Caba Distirict Hospital idiay Caba, La Union ken La Union Medical Center idiay Agoo,La Union para iti pannakataming dagitoy.
Kadagiti 13 a na-ospital, tallo laengen iti agtultuloy a matamtaming ken naiyakar iti ITRMC ditoy syudad ti San Fernando.
Dagitoy ket isuda: Emma Supnet, 53, addaan asawa; Felipa Cabrales, 61, awanan asawa; ken iti menor de edad a ni Xymon Jerbi Blaza, 3-anyos.
Nupay kasta, naamwan nga adda amin dagitoyen iti natalged a kondisyon.
