LA UNION – Nagsagaba iti pannakadundunor ti 13-anyos nga ubing ken Brgy. Kgwd. kalpasan a nagdinnungpar ti lugan dagitoy idiay Balaoan, La Union.
Nabigbig dagiti biktima nga isuda Kian Dominique Nares, nagmaneho iti motorsiklo, maysa nga estudyante, residente ti Barangay San Pablo, Balaoan, La Union ken iti respondent driver a ni Brgy./ Kagawad Eduardo Navora Sr. 76-anyos, residente ti Barangay Suyo, Luna, La Union.
Maibasar iti report, agturturong iti abagatan a direksyon ti multicab a minaneho ni Kagawad Navora idi a nagsikko daytoy ti kanniged ket ditoy a nakadinnungpar na ti motorsiklo a minaneho ti biktima a naggapu iti bangir a direksyon.
Agpada a naiturong dagiti dua idiay Balaoan District Hospital para iti pannakataming dagitoy.
Nupay kasta, posible a pagtungtungan laengen iti dua a partido tapno marisot iti nasao nga insidente.
