LA UNION – Umabot iti pakabuklan a 132 local government units ditoy pagilian iti naipaayan ti “SubayBAYANI Awards” ti Department of the Interior and Local Government.
Ti nasao a pammadayaw ket ipapaay ti ahensya para kadagiti lokal a gobyerno a nangipamatmat ti good practice, innovation, ken excellence iti panangimaton dagiti local infrastructure services ken programs.
Panangipakita daytoy ti positibo nga impact dagiti LGU kadagiti residente ken komunidad.
Manipud iti nasao a bilang dagiti awardees , siyam ditoy iti nakagun-od ti award para iti overall top-performing LGUs.
Pakaibilangan ditoy ti Batangas, Occidental Mindoro, ken Aklan para iti provincial category ; El Salvador City, Pasay City, ken Tuguegarao City idiay Cagayan para iti city level; Pudtol idiay Apayao, Buenavista idiay Marinduque, ken New Washington idiay Aklan para iti municipalities category.
Kinablaawan ni DILG Secretary Juanito Victor “Jonvic” Remulla dagiti awardees ken inallokoy na dagitoy nga itultuloy iti panagserbi da iti komunidad.
Kabayatanna, tunggal rehiyon ditoy pagilian ket nakagun-od ti “SubayBAYANI Awards a bulen ti tallo a probinsya, siyudad ken ili nga addaan ti pakabuklan a 132 LGU iti intero a pagilian.
