BR LA UNION – Nadundunor iti 14 a tattao kalpasan ti panagdidinnungpar dagiti 9 a lugan iti national highway idiay Sitio Palico, Barangay Luntal, Tuy, Batangas itay agsapa ti Sabado, Marso 1.
Base iti police report, napasamak ti insidente idi mapukawan ti preno iti dump truck bayat nga agbibiyahe manipud Calaca City agturong idiay Mendez, Cavite.
Dimmungpar ti truck iti maysa a bus a simmalpot iti dadduma pay a lugan a nakaparada asideg iti maysa a convenience store.
Dagus a naiturong iti pagagasan idiay Balayan, Batangas ken ospital idiay Nasugbu, Batangas dagiti nasugatan a biktima.
Nangibati ti aksidente ti dackel a danyos kadagiti karaman a lugan.
Agtultuloy ti imbestigasyon dagiti otoridad tapno aamwan ti makagap iti pagpalya ti preno ken iti posible a panang-areglo para iti damages.
