LA UNION – Natay iti maysa a 14-anyos a barito kalpasan a maipagarop nga aksidente a napaltugan ti barkada idi malem ti Abril 30 idiay Tubaday Proper, Santol, La Union.
Iti biktima ket nabigbig iti nagan a Ronie Sadao bayat a ti suspek ket managan Raffy Olario, 22-anyos, addaan asawa, agpada a residente ti Sitio Bilagan, Puguil, Santol, La Union.
Base iti police report, idi Abril 29 ket immatendar iti kasar idiay Barangay Tubaday Proper ti nasao nga ili, iti suspek ken biktima agraman iti dua pay a kakadwa da, ngem kabigatan na (Abril 30) ket naturog dagitoy iti balay ti cabagyan da iti nasao met laeng a lugar.
Nakariing da Christian Olario, 19-anyos, ken Daniel Cudlas, 24-anyos, babaen iti kanalbuong ti paltog.
Nakita da nga iggem ti suspek iti maysa a short firearm, a maipagarop nga aksidente a naiputok na iti rupa ti biktima.
Dagus a natay iti biktima bayat a ti suspek ket naglibas kalpasan ti insidente.
Nupay kasta, iti insayangkat a hot pursuit operation dagiti otoridad, nakemmeg iti suspek idiay Barangay Calliat, Balaoan, La Union.
Kaso a homicide iti naidatag maikontra iti suspek.
