LA UNION – Sangapulo ket uppat (14) a drug suspects ken 58 nga illegal gamblers iti naarestar dagiti otoridad, iti umuna a 15 nga aldaw iti Enero ita a tawen 2021.
Daytoy iti impannakkel ti La Union Police Provincial Office (LUPPO) iti panangidaulo ni Pol Col. Jay R Cumigad kas Provincial Director a gapwanan da iti uneg ti kagudwa a bulan.
Malaksid dayta, nakakumpiskar pay dagiti otoridad iti pakadagupan nga 84.6883 a gramo ti shabu ken agbalor iti nasurok P584,000.
Kabayatanna, innem (6) a Top Most Wanted Persons ken 9 nga Other Wanted Persons iti arestado manipud iti 15 nga operasyon nga insayangkat dagiti otoridad.
Iti met agtultuloy a kampanya kontra loose firearms, pakabuklan a 22 dagiti naisuko nga armas kadagiti pannakabagi ti linteg.
