LA UNION – Umabot iti 14 a tattao iti nailista a natay kasaruno ti 7.3-magnitude a gingined a timmama idiay Vanuatu idi kalman, Dec. 18.
Segun iti local police ti Vanuatu, kabilang kadagiti natay iti dua a Chinese ken residente.
Malaksid kadagiti natay, adda pay ti nasurok 200 a tattao iti naipadamag a nasugatan iti nasao a panagdayyeg.
Agingga ita ket agtultuloy iti ar-aramiden a rescue ken retrieval operations kadagiti pasdek a narsuod a nakapupokan iti adduma pay a biktima ti gingined ken agtultuloy ti pannaki-koordinar kadagiti rescuer.
Malaksid kadagiti commercial establishment, adu pay a public building iti narba kabilang dagiti embahada, ospital, simbaan, ken dadduma pay.
Sumagmamano a survivor iti nairwar metten manipud kadagiti narsuod a pasdek.
Segun iti National Disaster Management Office ti Vanuatu, dackel a paset ti capital city a Port Villa iti napukawan ti supply ti kuryente, danum ken internet connection kasaruno iti napigsa a opanadayyeg.
Agingga iti agdama, agtultuloy a makapad-padas dagiti residente ti aftershocks, a ti kapigsaan ket Mag. 6.1 a narikna iti capital city
Adu metten a pagilian iti nag-commit ti tulong idiay Vanuatu.
Iti Estados Unidos ket nagpatulod ti team iti United States Agency for International Development a tumulong iti rescue ken retrieval ops.
Iti dadduma a pagilian a kas ti Australia, France, China, ken United Nations, ket nangipaay ti bukod da a commitment kasaruno iti napigsa a panagdayyeg.
