BR LA UNION – Naipaayan ti full scholarship iti 15-anyos a barito manipud Liloan, Cebu kalpasan a nakaisalbar ti nasurok 50 a tattao iti kangitingitan ti Typhoon Tino.
Nabigbig ti ubing a banwar a ni Jayboy Magdadaro ti Barangay Jubay, kalpasan a nagmal-malem a simmu-ot iti layos babaen ti usar na a bassit a bangka tapno isalbar dagiti na-trap a kaarruba na.
Kas panangbigbig, impaayan ni Mabolo Barangay Captain Atty. Daniel Francis Arguedo ni Jayboy iti full scholarship a mangsungat ti amin a magastos na ti panagadal ken maipaayan pay ti P3,000 a binulan nga allowance.
Segun kenni Arguedo, inpamatmat ni Jayboy iti ”kinabanwar laksid ti ubing edad,” ket nagserbi nga inspirasyon iti kaadwan nga agtutubo.
Inbinglay pay ni Jayboy ti pagaayat na nga skimbording ket daytoy ti nakatulong kenkuana tapno ma-kontrol ti napegges nga ayos ti danum bayat ti panangisalbar na kadagiti residente iti lugar da.
