LA UNION – Comatose iti kondisyon ti maysa a 15-anyos nga estudyante kalpasan a nadungpar ti kotse iti kawatiwatan ti national highway idiay Barangay Paringao, Bauang, La Union idi kalman.
Nabigbig iti biktima iti nagan a Marineth Lanang, residente ti nasao a barangay.
Nabigbig met iti respondent driver iti nagan a Linda Bosse, maysa a Swiss national, temporaryo nga agnanaed iti Barangay Guerrero ti nasao nga ili.
Base iti police report, bumallasiw koma iti biktima manipud laud agturong iti daya a ngalay ti kalsada, idi madungpar ti agpa-amianan a kotse a man-manehuen iti gangannaet.
Dagus a naiturong ti biktima iti Ilocos Training and Regional Medical Center (ITRMC) babaen kadagiti nagresponde a kameng ti MDRRMO ken Bauang PNP.
Kabayatanna, dagus nga inarestar dagiti otoridad iti respondent driver, ngem naaddaan ti compromise agreement iti biang ti biktima, a nakasagana daytoy a mangibaklay iti magastos ti pasyente iti ospital.
