LA UNION – Natay iti 15 a tattao iti napasamak a panagbettak iti planta ti agas idiay India.
Segun kenni District Superintendent of Police Deepika, umaboten ti 15 a tattao iti natay ken nasurok 40 a tattao dagiti nasugatan iti panagbettak a napasamak iti pharmaceuticals manufacturing plant idiay Andhra Pradesh state, India.
Timpuar ti dackel nga uram kalpasan ti panagbettak idi malem Kalman iti Escientia Advanced Sciences’ 40-acre manufacturing unit, a nangrugi nga ag-operate idi tawen 2019 idiay estado ti Anakapalli district.
Nasurok 10 a bumbero iti nagresponde tapno sebseban ti apoy.
Agtultuloy iti panang-takwat dagiti otoridad nu kasatno a napasamak ti panagbettak.
