Dumanon ita ti 15 nga ili ditoy La Union nga adda ti high risk area iti Covid-19 karaman dagiti dadduma pay nga ili iti 4 a probinsya ti Region 1.
Basar iti advisory nga impaulog ti DOH Region 1 ken panangkumpirmar ditoy Bombo Radyo ni Dr. Rheuel Bobis, Medical Officer 4 ti DOH Region 1 ken Covid-19 focal person, kinunana a mabalindan a rugyan ti panagbakuna iti A4 priority group kadagitoy a lugar.
Innayon pay ni Dr. Bobis a numan pay mangruginton ti panagbakuna ti A4 priority group kadagitoy a lugar ket tuloy tuloy latta kuma kunana ti panagbakuna kadagiti adda ti A1, A2 ken A3.
Segun iti DOH Region 1, ti datos iti pannakaibilang dagiti LGU’s iti high risk areas ti Covid-19 ket naala manipud iti Regional Epidemiology and Surveillance Unit.
Ti nadakamat a pannakairuwar ti advisory ket tapno matarabay dagiti LGU’s iti Provincial ken Local Vaccination Operations Center.
Kabayatan na, kabilang dagiti ili nga adda ti high risk area ket Agoo, Aringay, Bacnotan, Bagulin, Balaoan, Bauang, Bangar, Burgos, Caba, Luna, San Juan, Santol, Sto. Tomas ken Tubao.
