LA UNION – Karegget ita ti panagsuko dagiti supporters iti rebelde nga NPA kagiddan iti sangsangwen a COVID crisis ti pagilian.
Naamwan ti Bombo Radyo La Union kenni Lt. Col. Reandrew Rubio, acting commander iti 91st Infantry Battalion ti Phil. Army, a 15 supporters ti Kilusang Gerilya Sierra Madre ti simmuko iti militar idiay Maria, Aurora.
Daytoy ket sumagmamano laeng nga aldaw kalpasan ti napasamak nga engkuwentro iti baetan ti NPA ken sumagmamano a kameng ti 91st IB ti Phil. Army a nakatayan iti dua a suldado ken nakasugatan iti 3 pay a kakadwa da.
Segun kenni Rubio, ginandat dagiti rebelde nga agawen iti SAP funds a mapan ibunong ti DSWD idiay Maria, Aurora.
