LA UNION – Aganay 15 a pinoy seafarers iti naka-quarantine ita iti maysa a hotel idiay Brunei Darussalam.
Daytoy ket paset iti maipatpatungpal a protocol iti coronavirus disease 2019 (COVID-19) iti nasao a pagilian.
Iti eksklusibo nga interview ti Bombo Radyo La Union kenni Bombo International Correspondent Engr. Rodolfo Estepa, tubo ti syudad ti San Fernando, kinuna na a simmangpet da iti nasao a pagilian idi Setyembre uno.
Kinuna na a dagiti kameng ti Ministry of Health iti simmabat kadakuada iti airport ket dagus a naipasidong iti health protocols kontra COVID 19, partikular iti social distancing, panagsuot ti face mask, face shield, ken uray pay PPE.
Nupay kasta, awan met kunana ti problema iti pannaka-quarantine dagitoy agsipudta libre ken kumpleto da iti kasapolan.
Inlawlawag na a dagiti kakadwa na a pinoy seafarers ket manipud iti naduma-duma a barko ken manning agency.
