Adda ita iti nasayaat nga kasasaad ti 150 seaman nga nakalugan iti barko a nakasanglad idiay Yokohama, Japan.
Iti pannakiuman ti Bombo Radyo La Union kenni news correspondent Aeron Gali Franco, a taga Barangay Tanqui, ciudad ti San Fernando, La Union, awan ti kaso ti Covid 19 idiay Yokohama iti agdama no sadino sakbayda a nakadanon sadiay manipud iti pagilian a Singapore ket naka lockdown iti sibubukel a Tokyo.
Nainget met kuna na iti maipatpatungpal a checkpoint sadiay.
Segun pay kenkuana, saanda nga agkurkurang ti taraon agsipudta supisyente ti supply dagitoy.
Saan met nga problema ti kuarta nga ipatpatulod da iti pamilya agsipudta diretso nga maawatda daytoy.
Nupay kasta, adda met panagdanagda iti nasao a sakit agsipudta adda ti kakaduada a sabali nga puli iti uneg ti barko ken saanda nga ammo iti nagtaudan dagiti sumsumrek nga taraon.
