LA UNION – Umabot iti 1,500 a bilang dagiti barangay officials iti intero a probinsiya ti La Union ti nakipaset iti maika-10 a Liga Congress ditoy La Union.
Kinuna iti Bombo Radyo La Union ni Brgy. Lingsat Chairman Alejandrino Mondina Jr. ken agdama nga ABC President ti San Fernando City, naiyadal ken naipasagepsep kadagiti partisipantes iti umno a wagas iti panagisagana ti report nga adda pakainaigan na iti kalamidad ken illegal drugs iti masakopan a barangay.
Daytoy ket tapno agbalin nga epektibo ken matarusan iti ar-aramiden a report ti Barangay Anti-Drug Abuse Council (BADAC) ken Barangay Disaster Risk Reduction Council (BDRRC) maipapan kadagiti nasao a kampanya ken programa ti gobyerno.
Iti 3-day seminar nga inorganisa ti Department of Interior and Local Government (DILG) ket pinartisiparan dagiti barangay kapitan, konsehal ken barangay secretaries iti intero a probinsiya.
