Linuktan ni Presidente Ferdinand Marcos Jr. iti nalawa a job fair iti intero a pagilian ita a Labor Day, no sadino nasurok 150,000 dagiti bakante a trabaho a naidiaya para kadagiti Pilipino.
Agtultuloy a maisayangkat dagiti job fairs kadagiti 94 a lugar iti pagilian ken agpaut agingga iti katapusan ti Mayo.
Impannakel met ti Presidente tii panagado ti pagpuonan iti pagilian a dumanon ti dandani ₱2 trillion idi napalabas a tawen, a manamnama a mangpartuat ti kanayunan a trabaho.
Segun pay iti presidente, sipud idi Hulyo 2022 agingga Pebrero 2026, nasurok 6,600 job fairs iti insayangkat ti gobierno, a nakatulong iti nasurok 1.5 million job seekers.
Iti daytoy a bilang, nasurok 250,000 iti dagus a naawat wenno “hired on the spot.”
Iti kauddian a record, dummanonen iti aganay 50 million iti bilang dagiti Pilipino nga addaan trabaho iti pagilian.###
