Dumanon itattan iti 1,553 a micro small medium enteprises wenno msme’s dagiti naasistaran iti DTI Region 1 ditoy Ilocos Region. Daytoy ket babaen iti sidong ti livelihood seeding program-negosyo serbisyo sa barangay.
Tarigagay daytoy a programa nga ipaayan ti suporta dagiti kwalipikado nga indibidwal ken micro enterprises babaen ti panangipaay dagitoy ti livelihood starter kits.
Maysa daytoy kadagiti regular a programa iti nadakamat nga ahensiya nga agtultuloy da a papapigsaen tapno naananay a dumur-as ti negosyo dagitoy.
Malaksid iti dayta ket tarigagay pay daytoy a programa a pagbalinen nga independent ti ekonomiya ti maysa a barangay babaen ti pannakapapigsa dagiti potential dagitoy.
Maibasar iti datos ti DTI Region 1, adda itan ti 774 a Barangay ti naturong ti natulongan iti programa, 94 a training ti naisayangkat, 25,464 nga indibidwal ti nakipartisipar iti training a naisayangkat ken naipaayan ti impormasyon, ken 1,339 dagiti livelihood starter kits a naipaay kadagiti benepisaryo.
Kabayatanna, naisayangkat metten ti profiling kadagiti apektado nga msme’s idiay luna ken bangar gapu kenni bagyong maring tapno maipaayan dagitoy ti livelihood starter kits.
Saan met nga agsarsardeng ti dti la union ti panagsapol da kadagiti matulungan nga msme’s a nakaituding nga agnumar iti daytoy a programa.
Tuloy tuloy itatta iti daytoy a programa iti dti tapno matulungan dagiti interesado nga agnegosyo ken mapadur-as ti panagbiyag da iti barangay babaen kadagitoy a livelihood starter kits.
