LA UNION – Natay iti maysa a 16-anyos a high school student kalpasan a nakoryente idi iggaman na iti saan na nga impagarop a live wire a nakalaylay iti igid ti barangay road idiay Barangay Sta Monica, Bauang, La Union agarop ala 1:30 idi malem kalman.
Iti biktima ket managan Ivan Dublong, residente ti nasao a lugar.
Base iti initial investigation ti Bauang Police Station, kadwa ti biktima a magmagna iti kalsada iti kabsat na a ni Allen Dublong, 23, ken maysa pay a kadwa da, ni Daryl Castillejos , 19, idi makita da ti nakalaylay a wire nga iniggaman ti biktima.
Dagus a natumba iti biktima ken limmitem ti bagi na gaputi boltahe ti koryente.
Naiturong pay ti estudyante iti Ilocos Training and Regional Medical Center(ITRMC) ditoy syudad ti San Fernando ngem natay bayat a matam-taming.
