LA UNION – Arestado iti maysa a 17-anyos nga agtutubo kalpasan a naaktuan dagiti otoridad iti insayangkat dagitoy a buy bust operation nga aglaklako iti maipagarop nga iligal a droga, iti Barangay Canaoay, San Fernando City, La Union.
Binigbig ti pulisiya iti suspek a ni John Paul Marzan, residente ti Barangay Carlatan ditoy met laeng syudad.
Nakumpiskar manipud kenkuana iti maysa a plastic sachet a maipagaropa nagkarga iti marijuans ken dua a pidaso ti P100 bill a nagserbi kas buy bust money.
Iti suspek agraman dagiti nakumpiskar nga ebidensiya ket naipasidong iti custodiya ti San Fernando City Police para iti umno a disposisyon ken agserbi nga ebidensiya iti pannakaidatag ti kaso a panaglabsing iti R.A. 9165 maikontra kenni Marzan.
