Pinasingkedan ni Palace Press Officer Claire Castro a naawaten ni Presidente Ferdinand Marcos Jr. ti courtesy resignation dagiti 17 nga opisyales ti Presidential Communications Office (PCO).
Segun kenni Palace Press Officer Claire Castro, manamnama a maaddaan ti baro a kasukat dagiti naikkat nga opisyales bayat a saan metten a nanaganan dagitoy.
Maysa kadagiti naikkat ket ni PCO Senior Undersecretary Ana Puod, sumagmamano nga aldaw laeng kalpasan a madutokan kas Head of Strategic Communications and Inter-agency Communications. Sakbayna ket nagwaras dagiti damag a nagikkat ni Puod gapo ta saan nan a mairusok ti mapaspasamak iti uneg ti ahensya.
Ti sabali a bangir, kinuna met ni Castro a ti panagikkat ni Puod ket boluntaryo ken mainaig iti personal a rason nga isuna laeng iti makaammo.
