LA UNION – Naan-anayen a naikali iti landfill ti nakumpiskar a 176 kilos nga hot meat a nakaikabil iti lima a sako ti task force ASF idiay ili ti Bauang, la Union.
Daytoy iti kinumpirma ni Municipal Agriculturist Rebecca Sabado ti Municipal Agriculture Office.
Segun kenni Sabado dagiti nasao a double dead a karne ket mailako iti merkado no saan dagitoy a nakumpiskar.
Immuna ditoy, nasaed ti Bauang Police iti nasao nga hot meat a maipagarop a naggapu idiay ili ti Aringay ditoy probinsya.
Segun kenni PLt. Juan Casem Jr, deputy chief of police ti Bauang Police nakaikabil iti sako ken nailugan iti maysa a pick up ti double dead nga karne ti baboy.
Kabayatan na, pinalagipan met ti kapulisan dagiti vendors nga agannad kadagiti ilaklako nga karne ti baboy ken siguraduen nga addan dagitoy ti naan-anay a dokumento sakbay nga ilako iti merkado.
